છાનું રે છપનું કંઇ થાય નહીં…

છાનું રે છપનું કંઇ થાય નહીં
ઝમકે ના ઝાંઝર તો ઝાંઝર કહેવાય નહીં
એક ઘાયલ ને પાયલ બે છૂપ્યા છૂપાય નહીં
ઝાંઝરને સંતાડી રાખ્યું રખાય નહીં

આંખ્યો બચાવી ને આંખના રતનને
પરદામાં રાખીને સાસુ નણંદને
ચંપાતા ચરણો એ મળ્યુ મળાય નહીં
ઝમકે ના ઝાંઝર તો ઝાંઝર કહેવાય નહીં

નણદી ને નેપૂર બે એવા અનાડી
વ્હાલા પણ વેરી થઇ ખાય મારી ચાડી
આવેલા સપનાનો લ્હાવો લેવાય નહીં
ઝમકે ના ઝાંઝર તો ઝાંઝર કહેવાય નહીં

- શ્રી અવિનાશ વ્યાસ

~ by Musician Rakshit Shah on July 12, 2008.